قناه تیلجرام للشعر الشعبی الحسینی

في رثاء الأكبر عليه السلام

هوسات عزائية

إلاكبر طاح مرمي و غرّب اهلاله

و لفاه ٱحسين محني ابعين همّاله

رمه ابنفسه اعله شبله و ذاب دلّاله

(عالرمضه اموسّد من شافه)(إتمدد يمّه و ما عافه)

***********************

ضاجت تره ابعين ابواليمّه

من شاهد ٱوليده امخضّب ابدمّه

شمّه ابمنحره و فوگ الصدر ضمّه

(والمدمع عالخد ايسيله)(إموذّر و اشلون ايشيله)

*********************

عليك الحيل يبني انهد غده اينادي

فگدتك و ٱفگدت كل فرحة ٱعيادي

يا لبّة ٱحشاي التشبه الهادي

(يا عزمي و يا قوت ازنودي)(وصلت عدوانك لحدودي )

**********************

حط خدّه اعله خدّ ابنه و غده ايرتل

آيات المصيبه و الدمع يهمل

يا مشبل يگلّه انتهض يا مشبل

(يا روحي الصارت مطروحه)(بسماتي ابجنبك مذبوحه)

*********************

أحچي اوياك يبني و ما ترد ٱجواب

چبدي ٱنصاب مو چبدك يبويه ٱنصاب

و يبني اشلون ٱشاهد بدر وجهك غاب

(وحملاتي اشلون ايهابوها)(و ابگلبي ٱجروحك حسبوها)

**********************

الأقل ملاغلام ابومحمد

رابط القناة على التلجرام:::

http://ⓣelegram.me/gholamabomhammab